8 Aprel tarixində Azərbaycan Qida və İçki Sənayeçiləri Assosiasiyasının (AQİSA) İdarə Heyəti Sədri Emin Dostiyari ilə Layf Xeyriyyə İctimai Birliyinin Sədri Amina Abbasbəyli arasında əməkdaşlıq sazişi imzalanmışdır.

Bu saziş xeyriyyəçilik sahəsində əməkdaşlığın həyata keçirilməsi, uşaqların, aztəminatlı ailələrin və digər ehtiyacı olan şəxslərin maddi ərzaq və digər növ yardımlarla təmin edilməsi istiqamətində tərəflər arasındakı münasibətləri tənzimləyəcəkdir.

Müqəddəs Ramazan ayı münasibətilə “Ramazan Payı” adlı xeyriyyə aksiyası baş tutmuşdur. Aksiya AQİSA-nın maddi və qida dəstəyi ilə, Layf Xeyriyyə İctimai Birliyinin təşkilatçılığı ilə həyata keçirilmişdir. Aksiya çərçivəsində 43 nəfər aztəminatlı ailəyə bayram payı təqdim edilmişdir.