Bakıda keçirilən iclasda AQİSA İdarə Heyətinin üzvləri əvvəlki iclaslarda qəbul edilmiş qərarların icrasını nəzərdən keçirmişlər. Qərarların vaxtında və effektiv icra olunması üçün görülmüş işlər müzakirə edilmişdir. Eyni zamanda, Assosiasiyanın gələcək fəaliyyət planlarına dair mühüm qərarlar qəbul edilmişdir.

Yeni üzvlərin qəbul prosesləri də gündəmdə olub və onların Assosiasiyaya qatılması ilə bağlı məsələlər ətrafında fikir mübadiləsi aparılmışdır. Görüşdə sənayenin inkişaf istiqamətləri də geniş müzakirə olunmuş və müxtəlif təkliflər irəli sürülmüşdür. Bu təkliflər əsasında, Assosiasiyanın növbəti iclasına qədər həyata keçiriləcək yeni planlar hazırlanmışdır.

İclasın qeyri-rəsmi hissəsi isə xüsusilə maraqlı keçmişdir. Üzvümüz olan Qala Atçılığın qonağı olduq və onların təklif etdiyi məhsul və xidmətlərdən yararlandıq. Qala Atçılığın mükəmməl qonaqpərvərliyi iştirakçılar tərəfindən yüksək qiymətləndirildi.

Bununla yanaşı, Vətən Müharibəsi iştirakçısı və Azərbaycan Silahlı Qüvvələrinin polkovniki Tehran Mənsimovla tanışlıq imkanı əldə edilmişdir. Tehran Mənsimovun müharibə təcrübələri və fikirləri iştirakçılar üçün dəyərli olub, sənaye ilə bağlı fikir mübadiləsi zamanı bu təcrübələr nəzərə alınmışdır.

Görüşdə həmçinin sənayenin hazırkı vəziyyəti və gələcək perspektivləri barədə geniş müzakirələr aparılmış, müxtəlif sahələr üzrə əməkdaşlıq imkanları nəzərdən keçirilmişdir.

Nəticədə, İdarə Heyəti növbəti görüşə qədər həyata keçirilməsi planlaşdırılan konkret addımları müəyyən etmişdir. Bu addımların icrası ilə AQİSA-nın sənaye sahəsində daha da güclənməsi və inkişaf etməsi məqsəd qoyulmuşdur.