Azərbaycan Qida və İçki Sənayesi Assosiasiyası (AQİSA) olaraq rəsmi dəstəkçisi olduğumuz “İnterFood Azerbaijan” və “Caspian Agro” beynəlxalq sərgilərində doqquz üzv şirkətimizlə birlikdə iştirak etdik.

AQİSA sərgi stendi ictimaiyyət, tərəfdaşlarımız və dövlət rəsmilərinin böyük marağına səbəb oldu. 16 May tarixində, Türkiyə-Azərbaycan İş Adamları və Sənayeçiləri İctimai Birliyi (TÜİB) idarə heyətinin sədri cənab Hüseyin Büyükfırat stendimizi ziyarət edib və şirkətlərimizin məhsulları ilə tanış olub. Ziyarət zamanı, cənab Büyükfırat üzv şirkətlərimizin yerli istehsal etdiyi məhsulları dequstasiya edib. İki təşkilat arasında tərəfdaşlığın davamı və yeni əməkdaşlıq sahələri də müzakirə olunub.