Azərbaycan Qida və İçki Sənayeçiləri Assosiasiyası və Təhsilin İnkişafı Fondu arasında Əməkdaşlıq Memorandumu imzalanıb. Sənəd Azərbaycan Qida və İçki Sənayeçiləri Assosiasiyasının İdarə Heyətinin sədri və Təhsilin İnkişafı Fondunun İdarə Heyətinin sədri tərəfindən imzalanıb.

Memorandumun məqsədi təhsil sisteminin inkişafına yönəlmiş proqram və layihələr üzrə əməkdaşlığın qurulması, eləcə də Azərbaycan Respublikasında təhsil alan tələbələrin istifadəsi üçün nəzərdə tutulmuş “TələbəPlus” kartlarına müxtəlif güzəştlər və ya təkliflərin tətbiq edilməsi üçün AQİSA üzv sahibkarların iştirak etməsidir.

Vahid tələbə kartı “TələbəPlus” 150 mindən çox tələbəyə xüsusi imtiyazlar təklif edəcək. Tələbələr ictimai nəqliyyat, ictimai iaşə və müxtəlif sahələrdə endirimlərdən yararlana biləcəklər. AQİSA ailəsi olaraq, bu layihədə yer alaraq vahid tələbə kartı layihəsinə öz töhfəmizi verəcəyik.

Təhsil güclü Azərbaycanımızın gələcəyidir