Mayın 15-dən 17-dək Bakı Ekspo Mərkəzində “İnterFood Azerbaijan” və “Caspian Agro” beynəlxalq sərgiləri keçirilib.

Mayın 15-də, Azərbaycan Respublikasının Kənd Təsərrüfatı Naziri cənab Məcnun Məmmədov AQİSA-nın sərgidəki stendini ziyarət edib. Cənab Məmmədov üzv şirkətlərimiz olan Sensum Coffee, WeGrow, Balacans Agro Foods, Herba Flora, Azeri Truffle, Redgold Absheron, İpeksu və Farko MMC-nin istehsal etdiyi müxtəlif məhsullarla tanış olub.

Cənab Məmmədov, şirkət nümayəndələri ilə yerli istehsalçıların müxtəlif bitkilərin yerli mənbələrdən əldə edilməsində qarşılaşdıqları çətinlikləri müzakirə edib. Bundan əlavə, istehsal prosesində və kənd təsərrüfatında sahibkarların qarşılaşdığı çətinliklərdən də bəhs edilib. Müzakirələr zamanı yerli məhsulların ixrac imkanları da vurğulanıb.