2024-cü il Sentyabrın 17-də Amerika Ticarət Palatası (AmCham) Azərbaycanda illik “Back-to-Business” Kokteyl Qəbulunda üzv icmasının təxminən 200 nümayəndəsinin iştirakı baş tutdu. Tədbirdə, AQİSA İdarə Heyətinin Sədridə iştirak etdi.

AmCham Azərbaycanın İcraçı Direktoru xanım Gülnarə Aslanbəyli və yeni seçilmiş AmCham Azərbaycan Prezidenti cənab Dəyanət Sadullayev iştirakçıları səmimi şəkildə salamladılar. Açılış nitqində cənab Sadullayev AmCham-ın əsas missiyasını vurğuladı: Azərbaycanın hər yerində bizneslərin inkişafına və davamlılığına dəstək vermək. O, 2024-cü ildə əldə olunan əhəmiyyətli nailiyyətlərdən, o cümlədən Palatanın əsas strateji sütunlarından biri olan ESG (Ətraf mühit, Sosial və İdarəetmə) təcrübələri sahəsində özəl sektorun biliklərini artırmaq üçün nəzərdə tutulmuş əhatəli resurs – AmCham Dayanıqlılıq Təlimatının təqdimatından bəhs etdi.

Gecənin proqramında həmçinin Palatanın və Azərbaycanın ötən il ərzində əldə etdiyi nailiyyətlərə nəzər salan xüsusi təqdimat da yer aldı və Formula-1 Qran-prisinin uğurlu keçirilməsi kimi vacib məqamları vurğuladı. Təqdimat, eyni zamanda, Palatanın qlobal əhəmiyyət kəsb edəcəyi gözlənilən COP29 hazırlıqlarında mühüm roluna bir baxış təqdim etdi.